آیئے مِل کر منائیں آج ہے ٹیچرس ڈے

یوم اساتذہ پر احمد علی برقیؔ اعظمی کے منظوم تاثرات




آیئے مِل کر منائیں آج ہے ٹیچرس ڈے
سب کو جاکر یہ بتائیں آج ہے ٹیچرس ڈے


ہیں یہی ٹیچر دکھاتے ہیں جو راہِ زندگی
راہ یہ سب کو دکھائیں آج ہے ٹیچرس ڈے


ہے ترقی کی ضمانت اُن کا ہی نقشِ قدم
اس پہ چل کر آزمائیں آج ہے ٹیچرس ڈے


یاد میں رادھا کریشنن کی مناتے ہیں اسے
داستاں ان کی سنائیں آج ہے ٹیچرس ڈے


ٹیچروں ہی کی بدولت چل رہا ہے یہ نظام
خود سنیں سب کو سنائیں آج ہے ٹیچرس ڈے


ٹیچروں کے دم سے ہے قایم بہارِ زندگی
اِس میں ہم بھی گل کھلائیں آج ہے ٹیچرس ڈے


باعثِ پسماندگی ہے یہ جہالت اس لئے
اس جہالت کو مٹائیں آج ہے ٹیچرس ڈے


ڈاکٹر احمد علی برقیؔ نے لکھا ہے جسے
وہ ترانہ مِل کے گائیں آج ہے ٹیچرس ڈے

احمد علی برقیؔ اعظمی

0 comments

Leave a Reply