آہ ! مولانا رفیق احمدقاسمی ؛ ایک منکسرالمزاج، اعتدال پسند اور کشادہ نظرعالم دین اب ہمارے درمیان نہیں رہا

نئی دہلی:(ایشیا ٹائمز) جماعت اسلامی ہند کے سینئر رہنما مولانا رفیق احمد قاسمی آج حرکت قلب بند ہونے کے باعث الشفا اسپتال میں انتقال کر گئے۔ وہ 75 برس کے تھے۔  ان کے انتقال پر چہار جانب سے  بلا تفریق مزہب و ملت علما و دانشوران ملت اسلامیہ ہند اظہار تعزیت کیا ہے وہ اپنے بین المذاہب مکالموں کی وجہ سے ہر مذہبی حلقے میں مقبول تھے۔

ان کی موت کی خبر سے نہ صرف مسلم بلکہ مختلف مذاہب سے تعلق رکھنے والی جماعتوں کو بھی صدمہ پہونچا  ہے ۔ ان کے اچانک انتقال پر سوشل میڈیا تعزیتی پیغامات کاسلسلہ ہنوز جاری ہے  ۔

وہ ضلع بلرام پور کے دتولی میں پیدا ہوئے تھے اور گونڈا میں رہتے تھے۔ وہ جماعت اسلامی ہند کے قومی سکریٹری اور مرکزی مشاورتی کونسل

کے رکن تھے۔ وہ آل انڈیا مسلم پرسنل لا بورڈ کے ایگزیکیٹو ممبر بھی تھے۔

جماعت اسلامی ہند کے صدر سید سعادت اللہ حسینی نے جماعت کے سینئر رہنماؤں کے ہمراہ انکے انتقال پر تعزیت کی اور ان کی مغفرت کے لیے دعا کی۔

ان کی نماز جنازہ نئی دہلی کے اوکھلا کے ابوالفضل انکلیو میں واقع اشاعتِ اسلام مسجد کے لان میں منعقد ہوئی۔ انھیں شاہین باغ قبرستان میں سپرد خاک کیا گیا۔

مولانا رفیق قاسمی اپنے پیچھے اپنی اہلیہ، چار بیٹیاں اور چھ بیٹے چھوڑ گئے ہیں۔