ایشیا ٹائمز کے اسپیشل کرسپانڈینٹ زبیر خان سعیدی کے والد بنے خان کا انتقال

 

نئی دہلی : ( ایشیا ٹائمز ) ایشیا ٹائمز کے اسپیشل کرسپانڈینٹ زبیر خان سعیدی کے والد  محترم عبید عبدالرحمٰن عرف بنے خان  کا طویل علالت کے بعد آج  ککرالہ میں انتقال ہوگیا ۔

 انا للہ و انا الیہ راجعون ۔  مرحوم اترپر دیش کے مردم خیز قصبہ ککرالہ ضلع بدایوں کے جماعت اسلامی ہند کے قدیم رکن جماعت  تھے ۔  

وہ  نوجوانی کے پہلے پائیدان پر ہی جماعت اسلامی ہند کے قریب ہوگئے  تھے اور بہت جلد یہ قربت باقاعدہ رکنیت میں تبدیل ہوگئی ۔  

انہوں نے 22 نے برس کی عمر میں 1953 میں جماعت اسلامی ہند کی رکنیت اختیار کی تھی ۔

بتایا جاتا ہے کہ ککرالہ 1960 اور 70 کی دہائی میں  جماعت اسلامی ہند کا اہم تربیتی مرکزو مسکن ہوا کرتا تھا اوراس میں بنے خان نے کلیدی اداکیا  ۔ انہوں نے تحریک اسلامی کی کی دل کھول کر خدمت کی ، وہ پیشے سے ٹیچر تھے،  ڈیوٹی سے واپسی کے بعد جو وقت ملتا پوری ایمانداری سے تحریک اسلامی کی خدمت لگے رہتے ۔

گزشتہ کئی برس سے صاحب فراش تھے۔ اللہ مرحوم کی مغفرت فرمائے  ان کی خدمات کو قبول کرے اور جنت الفردوس میں اعلیٰ مقام عطا کرے ۔ آمین