صدر مشاورت اور 'مشاورت' دونوں کے لیے بہتر راہ

اشرف علی بستوی نئی دہلی  

 ہندوستانی مسلمانوں کی وفاقی تنظیم آل انڈیا مسلم مجلس مشاورت کے الیکشن کے نتائج کا اعلان  نئے سال کے ساتھ کر دیا گیا ۔ ایڈوکیٹ فیروز انصاری صدر منتخب ہوگئے۔ ان کے علاوہ  17 اراکین عاملہ کا انتخاب بھی ووٹنگ کے ذریعہ عمل میں آیا ۔ مشاورت کے صدر کیلئے دو امیدوار عامر ادریسی اور فیروز انصاری میدان میں تھے ، فیروز انصاری نے 139 ووٹ میں سے  68 ووٹ پاکر جیت درج کی  جبکہ عامر ادریسی کو 51 ووٹ ملے ۔

   مشاورت ریڑھ کی ہڈ ی کے بغیرکب تک کھڑی رہ سکے گی ؟ 

دلچسپ بات یہ ہے کہ اب تک مشاورت کی ریڑھ کی ہڈی کہی جانے والی ہندوستان کی اہم تنظیم جماعت اسلامی ہند نے رخصت پذیرصدر کے کچھ فیصلوں سےعدم اطمینان کا اظہار کرتے ہوئے انتخاب سے خود کو الگ کر لیا تھا ۔ منتخب  17 عاملہ کے اراکین میں مشاورت کے سابق صدر نوید حامد  ۔ کنور دانش علی ، شمائل نبی ۔ پروفیسر ظل الرحمن ، ایڈوکیٹ اعجاز مقبول ، ڈاکٹر فیاض قاسمی ، مولانا اصغر علی امام مہدی سلفی ، سید ثناءاللہ ۔ ڈاکٹر کوثر عثمان ، ڈاکٹر شیس تیمی ، انوارالہدی ، پروفیسر وسیم احمد ، منصور آغا، نثار احمد کے نام شامل ہیں ۔ دوخاتون کا بھی انتخاب عمل میں آیا ہے ۔نصرت شیروانی اور عابدہ انعامدار۔

مشاورت کے نو منتخب صدر ایڈوکیٹ فیروز انصاری

 کیا کوئی قائم مقام صدر بھی ہو گا ؟ 

امید کی جانی چاہیے کہ نو منتخب صدرمشاورت کو داخلی انتشاراور تنازعات کے دلدل سے نکال کر نئی بلندیاں عطا کریں گے اور مشاورت کے ایجنڈے پرتیزی سے کام کریں گے ۔

یہ بھی دیکھنا ہوگا کہ جماعت اسلامی ہند کی شرکت کے بغیر مشاورت کا اس میقات میں رنگ وآہنگ کیا ہوگا ؟ ایک بڑے ملی حلقے میں یہ قیاس آرائیاں ابھی سے جاری ہیں کہ کیا ایڈوکیٹ فیروز انصاری مشاورت کی صدارت کے لیے مطلوبہ وقت دے سکیں گے ۔ یا کوئی قائم مقام صدر بھی ہوگا اور اگر ہوگا تو وہ کون ہوگا ؟

تنازعات سے مشاورت کا پرانا رشتہ ہے

اب ہونا تو یہ چاہیے کہ نتاج کو تسلیم کرتے ہوئے مستقبل کی طرف بڑھیں ، فیروزصاحب مایوسی کے سناٹے کو چیرتے ہوئے مستقبل کے چیلنجوں سے نمٹنے کی حکمت عملی وضع کریں اور سبھی اراکین کو ساتھ لیکر کام شروع کردیں۔ تنازعات سے مشاورت کا پرانا رشتہ ہے ، جو تاریخ کے صفحات میں ہی رہے تو زیادہ اچھا ہے ، اس کی بنیادی وجہ یہ ہے کہ مشاورت مختلف خیال لوگوں کا فورم ہے  یہاں اختلافات ہونا اور کبھی کبھی بڑھ جانا فطری ہے2016 کے الیکشن کے وقت بھی کچھ تنازعات ہوئے تھے  ۔

  رخصت پذیر صدر اور منتخب صدر کے درمیان ظاہر ہوئے تھے جس کولوگوں نے عہدہ کی منتقلی کے وقت ہوئے اجلاس میں دیکھا تھا اس کی نوعیت الگ طرح کی تھی ۔ لیکن جب صدر مشاورت نوید حامد صاحب نے چارج لینے کے بعد سب کو جوڑنے کاکام شروع کیا تو ان کے بعض مخا لفین بھی ان کی سرگرمیوں کے معترف ہوئے ،ایشیا ٹائمز نے نوید حامد صاحب کی میقات کے 14 ماہ کی تکمیل پر ان کی کار کردگی کی جائزہ رپورٹ شائع کی جس میں زیادہ تر لوگ نوید صاحب کے کاموں کی تعریف کرتے دیکھے گئے .

 ہمیشہ ایک ہی جواب ملا 

 صدر مشاورت اور 'مشاورت' دونوں کے لیے بہتر راہ 

بہتر ہے کہ ماضی سے سیکھا جائے یہی نومنتخب صدر مشاورت اور 'مشاورت' دونوں  کے لیے بہتر راہ ہو سکتی ہے ، ورنہ مشاورت کی رسی کی اینٹھن چھڑانے کی کوشش میں یہ میقات بھی بیرنگ رہ جائے گی ۔ مشاورت کے قیمتی 6 برس پہلے ہی کورٹ کچہری کی نذر ہوکرتباہ ہوچکے ہیں ۔ ناراضگی دور کرنے کی پہل بھی صدر مشاورت کو ہی کرنی ہوگی ۔ جماعت اسلامی ہند ملک کی ایک اہم تنظیم ہے جس نے مشاورت کو ہمیشہ تقویت بخشی ہے اور بھی اراکان ہیں جو مشاورت کو لیکر فکر مند ہیں ان سب کے ساتھ بیٹھ کر 'مشاورت' ہو تو مسائل بڑی حد تک کم کیے جا سکتے ہیں۔ ویسے آپ وکیل ہیں قانونی اور سماجی تمام پہلو پرآپ کی نظر ہے آپ بہتر حل تلاش کر سکتے ہیں  ۔

مشاورت کے ارکان' ووٹر' اور' سپورٹر' کی گروپ بندیوں سے نکلیں 

الیکشن ختم ہوئے ،اب وقت ہے کہ مشاورت کے ارکان' ووٹر' اور' سپورٹر' کی گروپ بندیوں  سے نکل کر سبھی ارکان 'مشاورت' کے ساتھ کھڑے ہوں ۔ نو منتخب صدرکا اچھے کاموں میں ہاتھ بٹائیں جہاں ضروری ہو مناسب فورم میں اپنی شکایت درج کرائیں اور اپنے قیمتی مشوروں سے نوازیں کیوں کہ یہی بڑوں کا طریقہ ہے اور 'مشاورت' تو ملت  کے بڑے لوگوں کی انجمن ہے ۔ اس امید کے ساتھ  کہ مشاورت کی یہ میقات اپنی چارسالہ میقات بحسن و خوبی مکمل کرے گی ، انشا ء اللہ ۔  

مضمون نگار : ایشیا ٹائمز نئی دہلی کے چیف ایڈیٹر ہیں