Wed, 24 August, 2016
 

اہم

انقرہ : ترکی کے وزیرخارجہ مولود چاوش اولو نے ہندوستان کے دورے کے دوران ہم منصب سشما سوراج سے ملاقات کی اور ان سے فتح اللہ گؤلن کے اداروں کیخلا ف کاروائی کرنے کامطالبہ کیا۔ وزیرخارجہ چاوش اولو کا کہنا تھاکہ فتح اللہ گؤلن کی تنظیم فیتو ایک دہشت گرد تنظیم ہے جس نے ہندوستان میں بھی قدم جما لیے ہیں۔ یہ مجرمانہ سرگرمیوں میں ملوث بین الاقوامی نیٹ ورک ہے جو پوری دنیا میں موجود ہے ۔ ہندوستان انھیں اپنے ملک سے دور رکھنے کیلیے فوری اقدامات کرے۔ اس سلسلے میں وزیر خارجہ سشما سوراج کی طرف سے جو فوری حمایت ملی وہ قابل تعریف ہے۔ ہندوستانی وزارت خارجہ کے ترجمان وکاس سوراپ نے کہا ہے کہ ترکی کے خدشات انتہائی حساس ہیں اور ہندوستان کی سیکیورٹی ایجنسیاں گؤلن سے منسلک غیرقانونی سرگرمیوں میں ملوث تنظیموں کوبند کرنے کے لیے انقرہ کے مطالبے پرغورکررہی ہیں۔
مزید۔۔۔
نانڈیڈ:آج یہاں ریاست مہاراشٹرا کی جانی مانی عوامی تحریک موومنٹ فار پیس اینڈ جسٹس نے تعمیراتی مزدوروں،جسے مقامی سطح پر باندھ کام مزدور کہتے ہیں، کی فلاح و بہبودی کے لئے کام کرنے کی بات ایک عوامی پروگرام میں کہی-اس پروگرام کو مخاطب کرتے ہوئے تحریک کے ریاستی صدر نے بتایا کہ ایک مکان کی تعمیر میں جتنے لوگ بھی شامل ہوں، چاہے وہ پلمبر ہو،پینٹر ہو، بجلی کا کام کرنے والا ہو، کارپنٹر ہو یا پھر اینٹ و سیمنٹ ڈھونے والے مزدور سبھی لوگ باندھ کام مزدور کہلاتے ہیں اور ان تمام کنسٹرکشن ورکرز کے لئے ہماری سرکارکے پاس فلاحی اسکیم موجود ہے-
مزید۔۔۔
. انقرہ : ترکی کے وزیر اعظم بن علی یلدرم نے استنبول میں غیر ملکی اخباری نمائندوں سے ملاقات کی جس میں انہوں نے کہا کہ شام کی نسلی بنیادوں پر تقسیم ہمیں قبول نہیں اور اگر ایران،امریکہ اور روس چاہیں تو اس مسئلے کو حل کرنے میں مدد کر سکتے ہیں وزیر اعظم بن علی یلدرم نے استنبول میں غیر ملکی اخباری نمائندوں سے ملاقات کی ۔ وزیراعظم نے قصر وحد الدین میں یہ ملاقات کی جس میں انہوں نے حالات حاضرہ سے متعلق سوالوں کے جواب دیئے۔ اس موقع پر نائب وزیراعظم مہمت شیمشیک بھی موجود تھے۔ سوا دو گھنٹے جاری اس ملاقات میں وزیراعظم نے کہا کہ شام کی نسلی تقسیم ہمیں قبول نہیں اور اگر ایران،امریکہ اور روس چاہیں تو اس مسئلے کو حل کرنے میں مدد کر سکتے ہیں۔ انہوں نے کہا کہ ہم شامی بحران کا پر امن حل چاہتے ہیں جس کےلیے ہم نے اپنی نئی پالیسی مرتب کی ہے جس کا اطلاق جلد ہوگا۔ گولن تحریک کے بارے میں ان کا کہنا تھا کہ ہم نے امریکہ سے مطالبہ کیاہے کہ وہ فتح اللہ گولن کی ترکی حوالگی کے معاملے میں تیزی دکھائے۔
مزید۔۔۔
 

اشتہارات

India reaches out to Syria to intensify security consultations as MJ Akbar meets Bashar al-Assad
آج کشمیر میں بر بریت جاری ہے اور انتہائی غیر انسانی عمل ہو رہا ہے/ سیما مصطفیٰ
ایف ڈی آئی پر یوسف منا کا ایک اچھا کارٹون
سشیل کمار مهاپاترا؛ این ڈی ٹی وی انڈیا
ویسے تو اولمپک میں میری کوئی خاص دلچسپی نہیں ہے، جہاں بھارت کے زیادہ لوگ کرکٹ کے دیوانے ہیں تو میں اولمپک دیوانہ کیسے ہو سکتا ہوں۔ لیکن کچھ دنوں سے دفتر میں دوستوں کی اولمپک میں ہندوستان کے کھلاڑیوں کو میڈل جیتنے کے ارمان کو دیکھتے ہوئے، اولمپکس کے تئیں میرا خود کا نظریہ بھی تبدیل ہونے لگا ہے۔ ڈیسک پر موجود میرا ہر ساتھی تمغہ کا انتظار کر رہا ہے۔ یہی امید کر رہا ہے کہ بھارت کو زیادہ سے زیادہ تمغے مل جائیں۔ جب کوئی کھلاڑی میچ جیت جیتتا ہے تو تالیاں بجتی ہیں جو نیوز روم میں کم دیکھنے کو ملتی ہیں۔ اور جب کوئی ہار جاتا ہے تو یہی سننے کو ملتا - کوئی بات نہیں اولمپکس میں حصہ لینا بہت بڑی بات ہے۔
مزید۔۔۔۔۔۔
 
نئی دہلی : اقتصادی سیکٹر میں مختلف قومی اور بین الاقوامی اداروں میں اپنی صلاحیتوں کا لوہا منوا چکے ڈاکٹر اُرجت پٹیل ریزرو بینک آف انڈیا (ٖٖٖآر بی آئی) کے 24 ویں گورنر مقرر کئے گئے ہیں۔ اس عہدے پر تقرری سے قبل انہوں نے 11 جنوری 2013 کو آر بی آئی کے ڈپٹی گورنر کا عہدہ سنبھالا تھا۔ اس عہدے پر ان کی تقرری تین سال کے لئے کی گئی۔اس سے قبل وہ عالمی سطح پر مشورہ سروس دینے والی کمپنی بوسٹن کنسلٹنگ گروپ کے مشیر (توانائی اور انفراسٹرکچر) تھے۔فی الحال وہ ریزرو بینک آف انڈیا کے ڈپٹی گورنر کے ساتھ ہی مانیٹری پالیسی کے انچارج بھی ہیں۔جنوری 2016 میں ڈپٹی گورنر کے عہدے پر دوبارہ ان کی تقرری کی گئی تھی۔
Advertise With Us
Advertise With Us
انٹرنیشنل
منیلا: فلپائن کے کمیونسٹ باغیوں نے امن مذاکرات کے تناظر میں سات روزہ جنگ بندی کا اعلان کیا ہے۔ منیلا حکومت اور کمیونسٹ باغیوں کے درمیان امن مذاکرات ناروے میں آج اتوار سے شروع ہوں گے۔ ان مذاکرات کے موقع پر باغیوں کے دو اہم رہنماؤں کو گزشتہ روز رہا کر دیا گیا تھا۔ رہائی پانے والوں میں کمیونسٹ پارٹی آف فلپائن کے باغی گروپ کے چیئرمین بینیٹو ٹیامزن اور اْن کی بیوی وِلما شامل ہیں۔ انہیں مارچ سن 2014 میں گرفتار کیا گیا تھا۔ ان رہنماؤں کو رہائی کے بعد اجازت دے دی گئی کہ وہ حکومت کے ساتھ ناروے کی ثالثی میں ہونے والے امن مذاکرات میں شریک ہو سکتے ہیں۔
مزید۔۔۔
استنبول : ترکی کے ضلع وان میں ایک پولیس تھانے پر کار بم حملے کے نتیجے میں 1 پولیس اہلکار سمیت 3 افراد ہلاک اور 73 زخمی ہو گئے۔ معلوم ہوا ہے کہ ان زخمیوں میں سے 3 کی حالت تشویش ناک ہے ۔ دوسری جانب ، کار بم دھماکے میں ملوث ایک دہشت گرد کو زخمی حالت میں گرفتار بھی کیا گیا ہے۔ اس حملے کے بعد پولیس ہوسٹل اور تھانے کے اطراف میں عوام جمع ہو گئے اور انہوں نے پی کےکے کے خلاف نعرے بازی کی ۔ پولیس نے شہر میں گشت بڑھا دیا ہے
مزید۔۔۔
 
کھیل
فنکار
یونیورسٹی خبر نامہ   دہلی نامہ   گردو پیش   پوروانچل خبر نامہ